नागपूर : राष्ट्रभाषा परिवार व मेराकी थिएटर यांच्या संयुक्त विद्यमाने दहा दिवसांच्या अभिनय कार्यशाळेचे आयोजन करण्यात आले आहे. उद्या, २५ मेपासून आठ जूनपर्यंत ही कार्यशाळा घेण्यात येणार आहे. शहरातील युवकांना नाट्य क्षेत्रातील विविध पैलूंची ओळख करून देण्यासाठी या कार्यशाळेचे आयोजन करण्यात आले आहे. या अभिनय कार्यशाळेला पाच वर्षे पूर्ण होत आहेत.
या कार्यशाळेमध्ये दिल्लीतील राष्ट्रीय नाट्य विद्यालयाचे स्नातक अशोक धरमसोत व मंगल सानप मार्गदर्शन करणार आहेत. अशोक धरमसोत हे अभिनय आणि नाट्यक्षेत्रामध्ये दहा वर्षांपासून काम करत आहेत. तसेच त्यांनी विविध देशांत नाट्य सादरीकरण केले आहे. मंगल सानप यांनी ‘रिअॅलिस्टिक अॅक्टिंग टेक्निक्स’चे प्रशिक्षण घेतले आहे.
‘या कार्यशाळेमध्ये अभिनय हा मूळ बिंदू नसून, त्यात संगीत, लेखन, दिग्दर्शन, प्रकाशयोजनेबद्दल प्रशिक्षण देण्यात येणार आहे. तसेच ही कार्यशाळा ‘प्रोडक्शन ओरिएंटेड’ असून, कार्यशाळेच्या अंतिम दिवशी नाट्यसादरीकरण करण्यात येणार आहे,’ अशी माहिती राष्ट्रभाषा परिवाराकडून देण्यात आली आहे.
नावनोंदणीसाठी संपर्क :रूपेश पवार : ९५११६ ७३३०१ , ९५०५१ ६३१